Capricorn 2016

۲۰۲/۷۸۶
برُج جدی 2016
1اہم نکات:                                                                                                                                                                                    آپ ساڑہ سستی کے پہلے ڈھائی سالہ دور سے گذر رہے ہیں اور گذشتہ سال آپکو ساڑھ سستی کے اثرات کا کچھ زیادہ ادراک نہیں ہوا ہے کیونکہ زحل تقریباً آدھا سال تو زائچہ کے گیارہویں حصہ میں رہا ہے مگر امسال حالات قطعی مختلف ہونگے تمام سال زحل کی بارہویں موجودگی آپکو مشکلات سے دو چار کرسکتی ہے۔ ستارہ مشتری سارا سال ناویں قیام کرتے ہوئے سعد اثرات مرتب کررہا ہے آپ میں مذہبی رحجانات بڑھ جائیں گے دیگر سیارگان کی نشست و برخاست امسال آپ پر کیا اثرات مرتب کرے گی اسکی تفصیلات اگلی سطور میں ملاحظہ فرمائیں۔
صحت:                                                                                                                                                                                      امسال صحت کے حوالہ سے آپکو ملے جلے حالات کا سامنا کرنا ہوگا سال کی ابتدا میں ہی بیت الصحت کے حاکم عطارد کی رجعت صحت کے مسائل پیدا کررہی ہے یہ سلسلہ مارچ تک چلے گا جبکہ 5تا 22 مارچ آپ کو صحت پر خاص توجہ دینا ہوگی آپ ذہنی دباؤ کا شکار ہورہے ہیں۔ 6 اپریل تا 13 جون کا عرصہ بھی آپ کی صحت کو متاثر کر رہا ہے ان ایام میں سب سے زیادہ احتیاط حاملہ خواتین کو کرنا ہوگی محتاط رہیں اسی طرح 7 تا 25اکتوبر 22نومبر تا 3 دسمبر کا عرصہ بھی احتیاط کا طالب ہوگا درمیانی تمام عرصہ موافق رہے گا۔
منگنی شادی:                                                                                                                                                                                        امسال آپکو منگنی کے کئی ایک مواقع میسر آئیں گے اور گذشتہ سالوں کی طرح درست وقت کا انتخاب بھی ضروری ہوگا امسال منگنی کیلئے آغاز سال تا 5اپریل ، 30 اپریل تا 5 اگست ، 30 اگست تا 23ستمبر کا عرصہ بہتر رہے گا ان ایام میں آپ کی ایسی تقریبات کے مواقع بھی میسر آئیں گے مگر بتائے گئے عرصہ کے علاوہ ایسے اقدامات سے گریز کریں امسال شادی کے حوالہ سے تقریباً سارا سال موافق رہے گا البتہ قمری گرہن اور قمردر عقرب میں ایسی تقریبات سے گریز کریں۔
سماجی تعلقات:                                                                                                                                                                                      امسال آپ کو سماجی تعلقات کے حوالہ سے وسط مئی تک خاص احتیاط کا سامنا کرنا ہوگا بالخصوص آغاز مارچ تا 5 اپریل آپکے سماجی تعلقات میں تیزی سے تبدیلیاں رونماں ہونگی آپکو اچھے برے دونوں طرح کے حالات سے واسطہ رہے گا بعد از مئی حالات بہتری کی جانب مائل ہونگے بعد ازاگست تا آخر سال حالات انشاء اللہ بہت بہتر رہیں گے۔
تعلیمی کیرئیر:                                                                                                                                                                                        ابتدائی تعلیم حاصل کرنے والے جدی بچوں کو آخر مارچ تک مشکلات درپیش آسکتی ہیں اور اعلیٰ تعلیم حاصل کرنے والے جدی افراد کو 14 فروری تا 22 مارچ 6 اپریل تا 13جون ، 7 تا 25اکتوبر، 12نومبر تا 3دسمبر مشکلات پیش آسکتی ہیں۔
اولاد انعامی بانڈ لاٹری:                                                                                                                                                                                      اولاد کے حوالہ سے یہ سال انشاء اللہ کافی بہتر رہے گا بے اولاد جدی حضرات کو اولاد کی نوید مل سکتی ہے امسال آپکو 5تا 30 اپریل ، 5 تا 30اگست ، 18اکتوبر تا 12 نومبر بچوں سے وابسطہ مسائل کا سامنا کرنا پڑ سکتا ہے باقی سال انشاء اللہ موافق رہے گا انعامی بانڈ کے شائق افراد کیلئے جنوری فروری مارچ مئی جون جولائی اور دسمبر کا عرصہ قسمت آزمائی کیلئے بہتر رہے گا۔
سفر:                                                                                                                                                                                   نزدیکی سفر کے حوالہ سے امسال آپکو وسط مئی تک احتیاط کرنا ہوگی آپ کے کئی پروگرام اچانک منسوخ بھی ہوسکتے ہیں سفر سے قبل صدقہ ضرور ادا کریں مارچ میں سفری کاغذات یا سامان چوری ہونے کا اندیشہ ہے محتاط رہیں۔ طویل یا بیرون ملک سفر کے خواہشمند افراد کو 14فروری تا 5 اپریل ، 7 اکتوبر ، 25 اکتوبر، 12نومبر تا 3دسمبر مشکلات پیش آسکتی ہیں ان ایام میں سفر یا ویزہ وغیرہ اپلائی کرنے سے گریز کریں۔
شراکتی ازدواجی تعلقات:                                                                                                                                                                                       آپ ساڑھ سستی کے پہلے ڈھائی سالہ دور دور سے گذر رہے ہیں اور ساڑھ سستی سے متاثرہ افراد کو ہر طرف سے پریشانیوں کا سامنا کرنا پڑتا ہے۔ گوکہ بظاہر امسال آپکے شراکتی ازدواجی تعلقات بہتر نظر آرہے ہیں مگر احتیاط بہرحال لازم ہوگی گرین کے ایام میں نماز کسوف و خسوف اور صدقہ ضرور ادا کریں اور اپنی ساڑھ سستی کا ورحانی تدارک ضرور کریں تاکہ غیر متوقع حالات سے بچا جاسکے۔
معیشت کیرئیر روزگار:                                                                                                                                                                                      آپ کے روزگار سے وابسطہ ستارہ زہرہ 14 فروری تا 12مارچ حالت طرح میں رہتے ہوئے کیرئیر پر قدرے دباؤ کا باعث بنے گا 12مارچ تا 5 اپریل شرف کے گھر قیام پذیر ہونے سے آپکے بہتر کیرئیر کی راہ ہموار کردے گا آپ کو ترقی مل سکتی ہے مگر ملازم پیشہ افراد کو احتیاط کرنا ہوگی۔ 5تا 30 اپریل زہرہ کے وبال کے گھر قیام اور کیرئیر کے گھر کو مقابلے کی نظر دیکھنے سے آپ کا کیرئیر خاصہ متاثر ہونے کا اندیشہ ہوگا محتاط رہیں اس کے بعد اگست تا حالات موافق رہیں گے 5تا 30 اگست ، 23ستمبر تا 12نومبر کا عرصہ آپ کے لیے سخت بحرانی دور ثابت ہوسکتا ہے آپ کا کاروبار سنبھالنے میں خاصی دشواریوں کا سامنا ہوسکتا ہے نئے فیصلوں یا کاروبار کی تبدیلی سے گریزی کرین۔
خصوصی احکامات:                                                                                                                                                                                     آپ ساڑھ سستی کے پہلے ڈھائی سالہ دور سے گذر رہے ہیں اور یہ آپ کا دوسرا سال ہے امسال آپ کا حاکم ستارہ زحل اوج کے درجات سے گذرے گا مگر یہ آپ کے زائچہ کے بارہویں گھر اوج پذیر ہوگا گوکہ آپ کی عزت توقیر اور معاشی پوزیشن بہتر ہوگی مگر اس کے ساتھ ساتھ آپ کے خلاف خفیہ سازشوں کا بازار بھی بے انتہا گرم ہوجائے گا۔ 6 جنوری کو بارہویں زحل کا اوج سب سے زیادہ اُن جدی افراد کو فائدہ پہنچائے گا جوکہ پہلے سے ہی بیرون ملک مقیم ہیں یا جنہوں نے امیگریشن اپلائی کیا ہوا ہے آپ دونوں کیلئے یہ آسودگی کی خبر ہوگی۔ 10 جنوری کو طالع میں شمس کا حفیض آپکے شراکتی مالی اور وراثتی معاملات میں خرابی کا باعث ہوگ آپ کو شدید ذہنی دباؤ کا سامنا ہوسکتا ہے 16 جنوری کو بارہویں زہرہ کا حفیض آپ کے کیرئیر روزگار اور بچوں سے وابسطہ معاملات کیلئے خرابی کا باعث ہوگا محتاط رہیں نئے معاہدوں یا کاروبار کی تبدیلی سے گریز کریں آپ کی منگنی بھی خطرے میں پڑسکتی ہے 20 جنوری خانہ مال میں شمس کاوبال ایک بار پھر آپ کے شراکتی وراثتی مالی معاملات میں خسارے کا باعث بن سکتا ہے آپ کو اپنی معاشی پوزیشن کو مستحکم رکھنا مشکل ہوگا۔ 5 مارچ کو خانہ مال میں عطارد کا وبال مالی غلط فیصلوں کی نشاندہی کررہا ہے محتاط رہیں ان ایام میں اپنی صحت کا خاص خیال رکھیں اور جاب وغیرہ کی تبدیلی سے بھی گریز کریں ان ایام میں ویزہ وغیرہ یا اس حوالہ سے مالی لین دین سے بھی گریز کریں 13 مارچ کو تیسرے عطارد کا ہبوط عزیزواقارب بالخصوص بہن بھائیوں سے تعلقات خراب کرنے کا باعث بن رہا ہے افواہوں پر اعتماد نہ کرنا بہتر ہوگا۔ جاب چھوڑنے کی غلطی ہر گز مت کریں۔ 2 اپریل کو بیت الاقرباء میں زہرہ کا شرف عزیزوں سے جاری اختلافات کے خاتمے کی راہ ہموار کردے گا خواہشمند افراد کو اولاد کے حوالہ سے خوشخبری مل سکتی ہے یہ وقت آپ کے کیرئیر روزگار کے لیے بہترین وقت ہوگا 5اپریل کو چوتھے زہرہ کا وبال آپ کے خانگی معاملات کاروبار کی وجہ سے متاثر ہورہے ہیں اس کے علاوہ آپ کو بچوں پر بھی خاص توجہ دینے کی ضرورت ہوگی۔ 8 اپریل کو پانچویں عطارد کا حفیض بچوں سے اختلافات پیدا کرسکتا ہے۔ آپ کی منگنی ایک بار پھر خطرے میں ہوگی جلد بازی میں جاب چھوڑنے یا تبدیل کرنے سے گریز کریں۔ بیرون ملک سفر یا ویزہ وغیرہ اپلائی کرنے کیلئے بھی یہ وقت بہتر نہ ہوگا۔ 10 جون کو چھٹے زہرہ کا اوج بہتر جاب کے حصول میں معاون ہوگا کیرئیر روزگار کے حوالہ سے بہتر آفر مل سکتی ہے ۔ بچوں سے تعلقات دوبارہ بحال ہورہے ہیں 11جولائی کو ساتویں شمس کا اوج آپ کی شادی کی راہ ہموار کررہا ہے آپ کے شراکتی ازدواجی تعلقات عروج پر ہونگے آپ کو بہتر شراکت داری کی آف مل سکتی ہے۔27 اگست کو ناویں عطارد کا شرف آپ کے بیرون ملک سفر کی راہ ہموار کررہا ہے حسب خواہش زیارات مقدسہ و حج کی سعادت مل سکتی ہے آپ کو بیرون ملک سے جاب کی آف مل سکتی ہے۔ 23ستمبر کو گیارہویں زہرہ کا وبال دوستوں سے اختلافات پیدا کردے گا کاروباری معاملات خواہشات کے برعکس مشکلات کا شکار ہورہے ہیں بچوں سے وابسطہ معاملات بھی آپ کی پریشانی میں اضافہ کررہے ہیں بالخصوص اُن کے شراکتی ازدواجی تعلقات۔ 11 اکتوبر کو کیرئیر کے گھر شمس کا ہبوط آپ کے کیرئیر روزگار کیلئے خاصی مشکلات پیدا کرسکت ہے ۔ آپ شدید ذہنی دباؤ کا شکار نظر آرہے ہیں۔ شراکت داری میں کام کرنے والے افراد کو مالی خسارہ کا سامنا ہوسکتا ہے۔ 27 اکتوبر کو گیارہویں عطارد کا اوج آپ کی خوشخطی میں اضافہ کا باعث ہوگا۔ حسب خواہش بہتر جاب کا حصول ممکن ہوگا بیرون ملک سفر کے حوالہ سے دوستوں کا بھرپور تعاون میسر رہے گا۔ 9 نومبر کو بارہویں زہرہ کا حفیض آپ کے خفیہ دشمنوں پر بھاری رہے گا۔ بیرون ملک سے وابسطہ کاروباری افراد کو مشکلات پیش آسکتی ہیں۔ آپ کے بچے بھی آپ کی خاص توجہ کے طالب ہونگے۔ 5 نومبر کو طالع میں مریخ کا شرف آپ کے وقار میں اضافہ کا باعث ہوگا۔ بہتر گھر، پراپرٹی یا حسب خواہش سواری کا حصول ممکن ہوگا۔ 12 نومبر کو طالع میں عطارد کا وبال آپ کو قنوطیت کا شکار کرسکتا ہے۔ اپنی گفتگو اور تحریر پر خاص توجہ دیں وگرنہ آپ کی جاب جاسکتی ہے۔ ان ایام میں ویزہ وغیرہ اپلائی کرنے سے گریز کریں۔ 3دسمبر کو خانہ مال میں مریخ کا حضیض اخراجات میں تیزی پیدا کردے گا ان ایام میں دوستوں سے لین دین سے گریز کریں پراپرٹی کی خریدوفروخت نقصان کا باعث بن سکتی ہے۔ امسال ہونے والے گرہن آپ کے زائچہ کے اہم ترین مقامات پر لگ رہے ہیں ان ایام میں صدقہ اور نماز کسوف ضرور ادا کریں۔
ورد خاص:                                                                                                                                                                                       روزانہ بعد از نماز پنجگانہ 9 مرتبہ دعائے ردنحوست سیارگان ورد کریں
صدقہ:                                                                                                                                                                                      ہر ہفتہ 800 گرام کالے ما ش کسی مستحق کو د یں یا قبرستان میں ڈالیں